ఆధారమా నా యేసయ్య
ఆలించుమా నా ప్రార్ధన
మదిలోని ప్రతి భారం – మనసార పాడే మౌన గీతం
నీకే ఆలాపన – ప్రియమైన ఆరాధన

1. ఏది గెలుపు – ఏది మలుపు
తలచి చూడ – నిదుర రాదే

ఓటమైన – ఒంటరైన
కరుణ చూపి – నడిపినావు

వ్యధలలోన – విసిగిపోయి – పాదములనే చేరగా
స్థితిని చూచి – స్తుతిగ మార్చి – దీవెనలతో నింపవా
దీవెనలతో నింపవా

2. నీదు వదనం – కాంతి కిరణం
కనులలోని – ప్రేమ మధురం

ఎదురు చూసే – జీవ గమనం
బదులు పంపే – సిలువ రుధిరం

కడలిలోన – కరముచాపి – ఆదరించే దైవమా
దీనురాలి – దరికిచేరి – దీవెనలతో నింపవా
దీవెనలతో నింపవా