Chorantians Bible Quiz
View All
చిన్ని చిన్ని చేతులతో
చిన్ని చిన్ని చేతులతో
బుల్లి బుల్లి బుగ్గలతో
బెత్లెహేము పురము నుండి
కన్య మరియకి పుట్టెనండి
యేసు క్రీస్తు నామమండి
రక్షకుడని అర్ధమండి
పరలోకమున దూతలందరు
సర్వ సైన్యములతో కూడను
పాటలతో పరవశిస్తూ
మహిమ కరుడంటూ పొగుడుతూ
భువికేగె నేకముగా బూరధ్వనితో
రక్షకుని సువార్త చాటింపగా
ఆకసమున తారలన్ని
నేముందు నేముందని త్వర త్వరపడగా
తూర్పు నందొక చిన్ని తార
పరు పరుగున గెంతుకొచ్చి
భువికి సూచన ఇవ్వనండి
బెత్లెముకి మార్గము చూపనండి
దూత వార్త గొన్న గొల్లలు
గెంతులేస్తూ చూడ వచ్చిరి
పసుల తొట్టిలో ప్రభుని చూచి
పట్టలేని సంతసముతో
స్తుతుల గానము చేసెరండి
సకల జనులకు చాటెరండి
తారన్ చూచి జ్ఞానులు కొందరు
రారాజును చూడ బయలు దేరి
బంగారమును బోళమును
సాంబ్రాణి కూడా పట్టుకొచ్చె
పూజించ వచ్చిరి ప్రభు యేసుని
రాజులకు రాజని ఎరిగి వారు
ఎంత సందడి ఎంత సందడి
దీవిలోన భువిలోన ఎంత సందడి
యేసు రాజు జన్మ దినము
ఎంత భాగ్యము ఎంతో శుభము
దేవ దేవుని అమర ప్రేమండి
దివ్య వాక్కు ఫలితమండి
