ఆదరించుమయ్యా – ఆదుకొనేవాడా

చేరదీయుమయ్యా – సేదదీర్చేవాడా

యేసయ్య – యేసయ్య – నీ మీదే నా ఆశయ్య

చరణం:

రెక్కలే విరిగినా – గువ్వనై నే వొరిగినా

ఎండలో వాడినా – పువ్వునై నే రాలినా

దిక్కు తోచక నిన్ను చేరితి

కాదనవని నిన్ను నే వేడితి

నను దర్శించుమో నా యేసయ్య

నను ధైర్యపరచుమో నా యేసయ్యా

చరణం:

ఆశలే అడుగంటెనే – నిరాశలే నను ముంచెనే –

నీడయే కరువాయెనే – గూడుయే చెదరిపోయెనే

నీ తోడు నే కోరుకొంటిని

నీ పిలుపుకై వేచియుంటిని

నీ దరిచేర్చుకో- నా యేసయ్య

నన్ను కాదనకుమా – నా యేసయ్యా