ఇదే కదా జీవితం
Joshua Shaikఇదే కదా జీవితం – నీ దరే సదా సాంత్వనం
ఎడారిలో ఆశ్రయం – నీ నిరీక్షణే నా బలం
ఏ కాలమైనా – కారు మేఘమైనా
ఏ లోయలైనా – శోక సంద్రమైనా
నీవేగా ఆధారం – నీవే కదా మార్గం
1. మరువలేని – గాయమైన
నీవే దేవా ప్రేమ చూపి చేరదీసావుగా
విసిగివున్న – జీవితాన
ఆశే నీవై దారి చూపి ఆదరించావుగా
తలపులన్నీ భారమైన – కలచివేసే ఓటమైన
కొలిచినావుగా నీవు – ప్రతి బాష్పబిందువు నాలో
యేసయ్య నిన్ను కొలిచేదెలా
నను ఆదుకున్న నా దేవా
2. కపటమైన లోకమందు
నాలో నీవై నీలో నేనై దీపమైనావుగా
మధురమైన మమత చూపి
తోడు నీడై కాచే దేవా స్నేహమైనావుగా
కొరతలన్నీ కూడుకున్నా – కలతలన్నీ ఏకమైన
తలచినావుగా నన్ను – స్థితి మార్చినావుగా నీవు
యేసయ్య నిన్ను కొలిచేదెలా
నను ఆదుకున్న నా దేవా
