కరుణించవా దేవా
Joshua Shaikకరుణించవా దేవా – కరుణాత్ముడా రావా
నీ ప్రేమలోనే – కావుమా
శ్రమలోన తోడే లేక – శిలనైన కానే కాక
వేసారిపోయా యేసయ్య
పిలిచాను నిన్నే దేవా – కడదాక నాతో రావా
నా జీవ దాత యేసయ్య
1. ఆశే నీవై నాలో – నా జీవ గమనములోన
దారే చూపే నాకు – నీ వాక్య వెలుగులలోన
నీలో నివాసమే – నాలోని కోరిక
నీ స్నేహ బంధమే – సంతోష కానుక
నీలో నిరీక్షణే – నా మౌన గీతిక
కాలాలు మారినా – నీవుంటే చాలిక
2. ప్రేమే నాపై చూపి – నా చేయి విడువని దేవా
ధైర్యం నాలో నింపి – నాతోటి నడచిన దేవా
నీ సత్య మార్గమే – నా జీవ బాటగా
నీ నామ ధ్యానమే – నాలోని శ్వాసగా
నీలోనే ఏకమై – నీ ప్రేమ సాక్షినై
సాగాలి యేసయ్య – నా జీవితాంతము
