ప్రేమపూర్ణుడా – స్నేహశీలుడా
విశ్వనాధుడా- విజయవీరుడా
ఆపత్కాలమందున – సర్వలోకమందున్న
దీనజనాళి దీపముగా – వెలుగుచున్నవాడా
ఆరాధింతు నిన్నే- లోకరక్షకుడా
ఆనందింతు నీలో-జీవితాంతము
నీకృప ఎంత ఉన్నతమో వర్ణించలేను స్వామి
నీ కృపయందు తుదివరకు నడిపించు యేసయ్య ||ప్రేమపూర్ణుడా ||
1. పూర్ణమై – సంపూర్ణమైన – నీదివ్య చిత్తమే
నీవు నను నడిపే నూతనమైన జీవమార్గము ||2||
ఇహమందు పరమందు ఆశ్రయమైనవాడవు
ఇన్నాళ్లు క్షణమైనా నను మరువని యేసయ్య
నా తోడు నీవుంటే అంతే చాలయ్య
నాముందు నీవుంటే భయమే లేదయ్యా ||2|| ||ప్రేమపూర్ణుడా ||
2. భాగ్యమే – సౌభాగ్యమే నీ దివ్య సన్నిధి
బహు విస్తారమైన నీకృప నాపై చూపితివి ||2||
బలమైన – ఘనమైన నీనామమందు హర్షించి
భజియించి – కీర్తించి ఘనపరతు నిన్ను యేసయ్య
నా తోడు నీవుంటే అంతే చాలయ్య
నాముందు నీవుంటే భయమే లేదయ్యా ||2|| ||ప్రేమపూర్ణుడా ||
3. నిత్యము – ప్రతి నిత్యము నీ జ్ఞాపకాలతో
నా అంతరంగమందు నీవు-కొలువై వున్నావులే ||2||
నిర్మలమైన నీ మనసే – నా అంకితం చేసావు
నీతోనే జీవింప నన్ను కొనిపో-యేసయ్య
నా తోడు నీవుంటే అంతే చాలయ్య
నాముందు నీవుంటే భయమే లేదయ్యా ||2|| ||ప్రేమపూర్ణుడా ||
