Featured Artists

Mahimaanvithuda

By Hosanna Ministries

482 Listeners

Play

Alpha Omega ayna View Lyric
Mahima Swaroopuda View Lyric
Dayagala Hrudayudavu View Lyric
Srushtikarthavaina Yehova View Lyric
Velpulalo Bahu Ghanuda View Lyric
Jeevinchuchunnadi Nenu Kadu View Lyric
Neethi Nyayamulu Jariginchu View Lyric

అల్ఫా ఒమేగయైన

— Hosanna Ministries

అల్ఫా ఒమేగయైన – మహిమాన్వితుడా
అద్వితీయ సత్యవంతుడా – నిరంతరం స్తోత్రార్హుడా (2)
రాత్రిలో కాంతి కిరణమా – పగటిలో కృపా నిలయమా
ముదిమి వరకు నన్నాదరించే సత్య వాక్యమా
నాతో స్నేహమై నా సౌఖ్యమై
నను నడిపించే నా యేసయ్యా (2) ||అల్ఫా||

కనికర పూర్ణుడా – నీ కృప బాహుల్యమే
ఉన్నతముగా నిను ఆరాధించుటకు
అనుక్షణమున నీ ముఖ కాంతిలో నిలిపి
నూతన వసంతములు చేర్చెను (2)
జీవించెద నీ కొరకే
హర్షించెద నీలోనే (2) ||అల్ఫా||

తేజోమయుడా – నీ దివ్య సంకల్పమే
ఆశ్చర్యకరమైన వెలుగులో నడుపుటకు
ఆశ నిరాశల వలయాలు తప్పించి
అగ్ని జ్వాలగా నను చేసెను (2)
నా స్తుతి కీర్తన నీవే
స్తుతి ఆరాధన నీకే (2) ||అల్ఫా||

నిజస్నేహితుడా – నీ స్నేహ మాధుర్యమే
శుభ సూచనగా నను నిలుపుటకు
అంతులేని అగాధాలు దాటించి
అందని శిఖరాలు ఎక్కించెను (2)
నా చెలిమి నీతోనే
నా కలిమి నీలోనే (2) ||అల్ఫా||

మహిమ స్వరూపుడా

— Hosanna Ministries

మహిమ స్వరూపుడా మృత్యుంజయుడా
మరణపుముల్లును విరిచినవాడా
నీకే స్తోత్రములు నా యేసయ్యా నీకే స్తోత్రములునీకే స్తోత్రములు నా యేసయ్యా నీకే స్తోత్రములు

నీ రక్తమును నా రక్షణకై
బలియాగముగా అర్పించినావు
నీ గాయములద్వారా స్వస్థతనొంది
అనందించెద నీలో నేను!!మహిమ స్వరూపుడా!!

విరిగిన మనస్సు నలిగినా హృదయం
నీ కిష్టమైన బలియాగముగా
నీ చేతితోనే విరిచిన రోట్టెనై
ఆహారమౌదును అనేకులకు!!మహిమ స్వరూపుడా!!

పరిశుద్ధత్మ ఫలముపొంది
పరిపూర్ణమైన జ్యేష్టుల సంఘమై
సీయోను రాజా నీ ముఖము చూడ
ఆశతో నేను వేచియున్నాను !!మహిమ స్వరూపుడా!!

దయగల హృదయుడవు

— Hosanna Ministries

దయగల హృదయుడవు నీ స్వాస్థ $మును ఎన్నడు ఎడబాయవు
ఎడారిలో ఊటలను జలరాసులలో త్రోవలు ఏర్పరచువాడవు
సర్వలోకము నీకు నమస్కరించి నిన్ను కొనియాడును

సత్యస్వరూపి నీ దివ్య వాక్యమే నాకు జీవమార్గము
సారము వెదజల్లు నీ జాడలే నాకు జీవన గమనము
శ్రేష్టమైన ఉపదేశముతో – జీవము గలిగిన సంఘములో
నింపుచున్నావు దీవెనలతో నను – నడుపుచున్నావు సమృద్ధితో

పరిశుద్దుడా నీ దివ్య యోచనలే నాకు ఎంతో ఉత్తమము
పరిశుద్ధుల సహవాసమే నాకు క్షేమాధారము
విస్వాసమందు నిలకడగా – నీ రాకడ వరకు మెలకువగా
విసుగక నిత్యము ప్రార్ధింతును – నిను నిశ్చలమైన నిరీక్షణతో

పరిపూర్ణుడా నీ దివ్య చిత్తమే నాకు జీవాహారము
పరవాసిగా జీవించుటే నాకు నిత్య సంతోషము
ఆశ్రయమైనది నీ నామమే – సజీవమైనది నీ త్యాగమే
ఆరాధింతును నా యేసయ్యా – నిత్యము కీర్తించి ఘనపరతును

సృష్టికర్తవైన యెహోవా

సృష్టికర్తవైన యెహోవా
నీ చేతిపనియైన నాపై ఎందుకింత ప్రేమ
మంటికి రూపమిచ్చినావు
మహిమలో స్థానమిచ్చినావు
నాలో నిన్ను చూసావు
నీలో నన్ను దాచావు
నిస్స్వార్ధ్యమైన నీ ప్రేమా
మరణము కంటె బలమైనది నీ ప్రేమ ||సృష్టికర్తవైన||

ఏ కాంతి లేని నిశీధిలో
ఏ తోడు లేని విషాదపు వీధులలో
ఎన్నో అపాయపు అంచులలో
నన్నాదుకున్న నా కన్న తండ్రివి (2)
యేసయ్యా నను అనాథగా విడువక
నీలాంజనములతో నాకు పునాదులు వేసితివి (2) ||సృష్టికర్తవైన||

నిస్సారమైన నా జీవితములో
నిట్టూర్పులు నన్ను దినమెల్ల వేదించగా
నశించిపోతున్న నన్ను వెదకి వచ్చి
నన్నాకర్షించిన ప్రేమమూర్తివి (2)
యేసయ్యా నను కృపతో బలపరచి
ఉల్లాస వస్త్రమును నాకు ధరింపజేసితివి (2) ||సృష్టికర్తవైన||

వేల్పులలో బహుఘనుడా

— Hosanna Ministries

ప|| వేల్పులలో బహుఘనుడా – యేసయ్యా
నిను సేవించు వారిని – ఘనపరతువు
నిను ప్రేమించు వారికి సమస్తము – సమకూల్లి జరిగింతువు
నీయందు భయఖభక్తి గల వారికి. శాశ్వత కృప నిచ్చెదవు

సుందరుడైన యోసేపును – అంధకార బందువర్గాలలో
పవిత్రునిగ నిలిపావు – ఫలించెడి కొమ్మగ చేసావు
మెరుగుపెట్టి నను దాచావు – నీ అమ్ముల పొదిలో
ఘనవిజయము నిచ్చుటకొరకే – తగిన సమయములో

ఉత్తముడైన దావీదును – ఇరుకులేని విశాల స్థలములో
ఉన్నత కృపతో నింపావు – ఊహించని స్థితిలో నిలిపావు
విలువపెట్టి నను కొన్నావు – నీ అమూల్యమైన రక్తముతో
నిత్య జీవమునిచ్చుట కొరకు – మహిమ రాజ్యములో

పామరుడైన సీమోనును – కొలతలేని ఆత్మాభిషేకముతో
అజ్ఞానము తొలగించావు – విజ్ఞాన సంపదనిచ్చావు
పేరుపెట్టి నను పిలిచావు – నిను పోలినడచుటకు
చెప్ప శక్యముకాని ప్రహర్నముతో – నిను స్తుతించెదను

జీవించుచున్నది నేను కాదు

ప॥| జీవించుచున్నది నేను కాదు
క్రీస్తుతో నేను సిలువ వేయబడినాను
క్రీస్తే నాలో జీవించుచున్నాడు

నేనునా సొత్తు కానే కాను
క్రయధనముతో క్రీస్తు కొన్నాడు నన్ను
నా చిత్తమెన్నడు నాలో నెరవేరలేదు
యేసయ్యా చిత్తమేనాలో నెరవేరుచున్నది

యుద్ధము నాది కానేకాదు
యుద్ధము యేసయ్యదే నా పక్షమున
జయమసలే నాది కానే కాదు
యేసయ్య నా పక్షమున జయమిచ్చినాడు

లోకమునాది కానేకాదు
యాత్రికుడను పరదేశిని
నాకు నివాసము లేనేలేదు
యేసయ్య నివాసము నాకిచ్చినాడు

నీతి న్యాయములు జరిగించు నా యేసయ్యా

నీతి న్యాయములు జరిగించు నా యేసయ్యా
నిత్య జీవార్థమైనవి నీ శాసనములు (2)
వృద్ధి చేసితివి పరిశుద్ధ జనముగా
నీ ప్రియమైన స్వాస్థ్యమును
రద్దు చేసితివి ప్రతివాది తంత్రములను
నీ రాజ్య దండముతో ||నీతి||

ప్రతి వాగ్ధానము నా కొరకేనని
ప్రతి స్థలమందు – నా తోడై కాపాడుచున్నావు నీవు (2)
నిత్యమైన కృపతో నను బలపరచి
ఘనతను దీర్గాయువును దయచేయువాడవు (2) ||నీతి||

పరిమళ వాసనగ నేనుండుటకు
పరిశుద్ధ తైలముతో – నన్నభిషేకించి యున్నావు నీవు (2)
ప్రగతి పథములో నను నడిపించి
ప్రఖ్యాతిని మంచి పేరును కలిగించువాడవు (2) ||నీతి||

నిత్య సీయోనులో నీతో నిలుచుటకు
నిత్య నిబంధనను – నాతో స్థిరపరచుచున్నావు నీవు (2)
మహిమ కలిగిన పాత్రగ ఉండుటకు
ప్రజ్ఞ వివేకములతో నను నింపువాడవు (2) ||నీతి||